Fandriampahalemana

Partagé sur :
• facebook

Mampitombo hatrany ireo tohana sy ezaka hoenti-manampy an’i Madagasikara hiatrehana ny covid-19 ny Firenena Mikambana [ONU]. Nanolotra 20 858 952 dolara izy ireo ny talata 28 aprily teo.

Nambara fa miaraka amin’i Madagasikara hatrany ny ONU amin’ny fiatrehana ny hamehana tena ara-pahasalamana, toy ny fanamafisana ny fahaiza-manao mba handrindrana izany ho an’ny firenena sy ny faritra. Eo ihany koa ny famaliana ny filàna ara-tsosialy sy ara-toekarena mba hanampiana ireo mponina marefo, ireo mpiasa amin’ny sehatra tsy ara-dalàna izay tena mandalo fotoan-tsarotra noho ny fepetra mihatra ateraky ny hamehana ara-pahasalamana, fa eo ihany koa ny fanomanana sahady ny fiatrehana ny fiarenana taorian’ny krizy ara-pahasalamana eo amin’ny lafiny toekarena, asa, fahasalamana sy ny filaminana arak’asa, ny tan-tsoroka ilaina hanampiana ny sehatra tsy miankina, ny sosialy, ary tsy adino ny fanamafisana ny fitoniana sy fanajana ny zon’olombelona. Naneho ny mbola hisian’ny herijika vaovao amin’ny famatsiam-bola hanamafisana ny ady mifandraika amin’ny covid-19 ny Firenena Mikambana sy ny mpiara-miombon’antoka. Mifanaraka amin’ny drafi-panorenam-pirenena, drafitra momba ny hamehana sosialy, drafitra hoenti-manavotra ny sehatra tsy miankina, ary ny Politika ankapoben’ny fanjakana. Vonona hatrany hiara-dàlana amin’ny Governemanta amin’ny asa hoenti-manamafy ny fiaraha-miasa amin’ny fiatrehana ny valanaretina ny Firenena Mikambana, ary ny fiomanana ny aorian’ny Covid-19.

Toky R

Tia Tanindrazana

Samia mijoro ho an'i Gasikara.