Fandriampahalemana

Distrikan’Ambohimahasoa 8 taona ny zaza dia efa mamaky trano

Fandriampahalemana
Alakamisy 10 Septambra 2020

Tsenan’Asabotsy ny sabotsy teo no nahatrarana ramatoa nividy zavatra tamina vola sandoka 5000 ariary, raha ny fampitam-baovao avy amin’ny CSP Ambohimahasoa.

Teo Asabotsy ihany koa no nahatrarana zaza aman’ankizy miala sakana 8 ka hatramin’ny 14 taona izay atidoha amina asa famakiana trano sy aro-paosy. 8 taona izany no manomboka mamaky trano ny zaza eny amin’ny distrikan’ Ambohimahasoa. Ankoatra izay moa dia nampita vaovao izy ireo fa tratra koa I Faradalo izay namono nahafaty ny mpiara-miasa na “assistant parlementaire” amin’ny depioten’ Ambohimahasoa. Toy izany koa ny dahalo 8 lahy nangalatra omby sy nitifitra variraraka tamin’ny basy marovava ka nahafaty mpianaka tao Amboditanana, kaominina ambanivohitr’ Ambohimanandroy, hoy hatrany ny fampitam-baovao.

Nangonin’i J. Mirija