Fandriampahalemana

Bruno Ravelonanosy Ahiana ny ainy…

Fandriampahalemana
Sabotsy 18 Novambra 2017

Araka ny loharanom-baovao tamin’ny olona akaiky azy dia misy ny tambazotrana teratany vahiny izay ahiana ho mikononkonona famonoana olona voaomana ka hamerina ny zava-nitranga fony nahalavo ny minisitry ny mponina teo aloha,

Nadine Ramaroson, amin’ny mpandraharaha Bruno Hubert Andriatefy Ravelonanosy. Malaza ho mpanampy ireo teratany malagasy miady ho an’ny tanindrazany ity mpandraharaha ity ka dia manelingelina ireo teratany vahiny sasany noho izany ny tenany. Isan’ ny nanamarika azy ny fiarovana ny tany iray etsy Antanandrano izay nalaza ho nobodoina teratany karana sy ny etsy Ivandry izay ivelomana tantsaha miisa 173 ary mbola hifampitoloman’izy ireo amina teratany sinoa eny amin’ny fitsarana amin’izao fotoana izao. Andrasana amin’ity herinandro ity moa ny fanampim-panazavana avy amin’ity mpandraharaha ity sy ireo akaiky azy mikasika ny fanazavana misimisy kokoa momba ity raharaha ity.

J. Mirija