Fandriampahalemana

Bevalala Miha mahazo vahana ny fanendahana

Fandriampahalemana
Talata 20 Oktobra 2020

Vehivavy mpianatra iray nanovo fahalalana ao amin’ny« Centre professionnel » an-dry mopera eny Bevalala no voendaka niaraka tamina lehilahy iray 25 taona nitondra bisikileta ny 15 oktobra teo teny akaikin’ny kianja filalaovam-baolina.

Miisa efatra ireo mpanendaka izay mody manatona moramora ireo olona roa lasibatra ka ny roa nanampina avy hatrany ny vavan’ilay nokendrena ary ny roa kosa naka ny entana.Very tamin’izany ny findain’ilay vehivavy izay mitenti-bidy 250.000Ariary. Toy izany ihany koa ilay lehilahy mitaingina bisikileta. Lasan’izy ireo tamin’izany ilay kodiaran-droa ary nirifatra nilefa izy ireo. Niantso Polisy avy hatrany ireo niharam-boina. Raikitra ny fifanenjehana nandritra izany ka tavela ilay bisikileta raha lasan’ireo namany telo ilay findain’ilay vehivavy. Ny Sabotsy teo no tratra teny Anosimahavelona,Ampitan’ny fasan’ny karana ny lehilahy roa hafa izay tena nandray anjara tamin’izany fanendahana izany. Tafiditra ao anatin’ilay Bande de 4 izay mpampihorohoro ny mponina eny Atsimondrano izy ireo raha araka ny fantatra. Pati Legende : Santionany tamin’ireo tratra