Fandriampahalemana

Betroka Dahalo 8 maty voatifitry ny zandary

Fandriampahalemana
Sabotsy 26 Janoary 2019

Nangotraka ny zava-nitranga tany amin’ny distrikan’i Betroka, Faritra Anosy ny alakamisy alina lasa teo.

Dahalo miisa valo namaky tranombarotra mpamongady iray no maty voatifitry ny zandary ka nitsirara eran’ny tanàna ny fatiny. Raha ny vaovao voaray avy any an-toerana dia enta-madinika avokoa no lasan’izy ireo tamin’izay. Tsy naharitra ela anefa ny zandary fa tao anatin’ilay asa fangalarana mihitsy no niditra an-tsehatra izy ireo. Raikitra ny fifampitifirana, tranga niseho nanomboka tamin’ny 12 ora alina ka hatramin’ny 7 ora maraina. Nanamarika ny teo anivon’ny zandarimariam-pirenena fa mbola hohatevenina hatrany ny ady amin’ny asan-dahalo tahaka izao eto amintsika. Ho an’ireo zandary mandeha amin’ireny faritra mena toa an’i Betroka ireny, ohatra, dia nambaran’ny sekreteram-panjakana miadidy ny zandarimariam-pirenena vaovao ny jeneraly Ravalomanana Richard fa izy ireny no hahazo ny fampiakarana galona voalohany sy ny fanomezana “indemnité”.

Pati