Fandriampahalemana

Betioky Atsimo Mamono olona sy mandoro trano ny dahalo

Fandriampahalemana
Talata 22 Septambra 2020

Mirongatra ny tsy fandriampahalema any amin’ny Fokontany Besavoa, kaominina ambanivohitra Vatolatsaka, distrikan’i Betioky Atsimo. Nitrangana asan-jiolahy mahery vaika indray tao amin’ity Fokontany ity ny herinandro lasa teo.

Mamono olona mihitsy ireo jiolahy ka iray no namoy ny ainy teo noho eo raha 06 maratra mafy ka voatery manaraka fitsaboana ao amin’ny CSB II Vatolatsaka. Mbola miady amin’ny fahafatesana kosa ny izay voatery nalefa any Bezaha mba hanavotana ny ainy. Omby 80 no lasan’ireo dahalo nandritra ity fanafihana ity ankoatra ny trano izay nodoran’izy ireo. Tsy mandry an-trano intsony ny mponina noho izany, indrindra fa ny alina ho fiarovana ny ainy. Aleon’izy ireo mandry any an-tsaha hisorohana ny ra latsaka sy ny aina mety hafoy indrindra fa ho an’ireo manohitra ny fandrobana ny fananany.

Nangonin’i Pati