Fandriampahalemana

Antsirabe Nahatrarana basy tamin’ny andron’i Hitler

Fandriampahalemana
Zoma 16 Martsa 2018

Basy niisa 18 no sarona tany amin’ny kaominina Bemaha tamin’ity herinandro ity. Basy vita Malagasy moa ny 16 tamin’ireo ary basy Mass 36 niaraka tamin’ny bala 9 sy P.A, tamin’ny andron’i Hitler miaraka amin’ny bala 9mm niisa 3 ary bala amin’ny basim-borona niisa 13 hafa.

Olona 19, izay voalaza fa mpanara-dia omby very no notanana niaraka tamin’ireto basy sy bala ireto satria nosamborina noho ny fitondrany ireto fitaovam-piadiana ireto izy ireo. Raha ny fanazavana nomen’ny kaomandin’ny Zandary Vakinankaratra, ny Kolonely Rasambomanana Yvon Patrick moa dia nisy tokoa ny halatra omby ny zoma 9 martsa lasa teo ka ny alahady 11 martsa no nampandre ny zandary ny fokonolona, ka nanara-dia tokoa ireto olona ireto saingy ny fitazonana basy tsy ara-dalàna no hitazonana azy ireo.

Caius R