Fandriampahalemana

Ampasika Mpanendaka roalahy tratra tany an’elakelantrano

Fandriampahalemana
Talata 07 Desambra 2021

Lehilahy miisa roa 23 taona sy 32 taona no tratran’ny Polisy avy ao amin’ny kaomisarian’ny Boriborintany fahafito teny an’elakelantranon’Ampasika ny 05 desambra lasa teo,

tokony ho tamin’ny 11ora sy sasany alina. Olona tsara sitrapo no nanome vaovao azy ireo ny amin’ny fisiana andiana olona manendaka sy mangalatra eo akaikin’izy ireo.Tamin’ny alalan’ny fisafoana mandeha dia an-tongotra eny amin’iny faritra Andohatapenaka sy ny manodidina iny araka izany no nahatrarana azy ireo. Nijery sy nanamarina ny vaovao ireo mpitandro ny filaminana ka tratra tamina elakelatrano iray tsy lavitra ny arabe izy roalahy ireto. Rehefa natao ny fisavana dia mbola nahatrarana antsy lava lela teny amin’izy ireo. Avy hatrany dia nentina teny amin’ny kaomisarian’ny 67ha ireto farany nanaovana fanadihadiana.
Pati