Fandriampahalemana

Ambohimanambola Nodoran'ireo jiolahy ny trano rehefa tsy voasokany

Fandriampahalemana
Alatsinainy 04 Mey 2020

Tokantrano iray teny Volomborona Ambohimanambola no novakiana andian-jiolahy ny zoma teo tokony ho tamin’ny 9 ora sasany alina.

Tamin’ny famaky no namakian’ireo jiolahy, efa ho 10 lahy mahery ny trano rehefa tsy nety nisokatra. Rehefa tafiditra tao anefa ireo tsy mataho-tody dia tsy vitany indray ny nanokatra ny efitra tao ambony ka dia norarahan’izy ireo lasantsy ny trano ary nodorany tao ireo fianakaviana tao anatiny. Nifamonjen’ireo fokonolona ny famoahana ireto farany tao amin’ilay trano izay nosintomina avy ao amin’ny tafon-trano noravaina. May avokoa ny entana tao amin’ity tokantrano ity. Vaky nandositra kosa ireo jiolahy rehefa nahavita ny nataony sy nahatsapa fa efa taitra ny fokonolona. Ireto farany moa no niezaka namono ny afo raha nifandritaka nikaroka ireo mpanao ratsy kosa ny mpitandro ny filaminana.

Pati