Fandriampahalemana

Amboasary atsimo Tanàna roa notafihin’ny malaso

Fandriampahalemana
Talata 24 Jolay 2018

Miferinaina lava ny mponina amin iny tapany avaratry ny distrikan Amboasary atsimo.Saika isan'andro dia ahitana fanafihana malaso.

Ny alin'ny alahady teo dia tanàna roa samihafa no niakaran'ny malaso.Ny iray tao Beadabo , kaominin'ny Tomboarivo,ka omby 25 no lasa .Tsy afa-nikofoka ny fokonolona fa dia ny naka malala ny omby ireo malaso miisa 20.Ireo mpitandro filaminana mponina moa dia voalazan’ny mponina avy any an-toerana fa mitaza-potsiny noho izy ireo vitsy an’isa.Mbola tao amin'ny tanana iray hafa atao hoe Manjola ao amin'ny kaominy Tsivory no notafihin ny malaso 12 lahy.Lasany tamin'izany ireo omby 10.Fa maty vokatry ny fifandonana ny lehiben'ny jado.Tsy afa-manoatra ny fokonolona.Mbola tena marefo ny fandriampahalemana ao amin'ny tapany avatr’ity distrika iray ity.

Onesime Michel