Fandriampahalemana

Ambatondrazaka Nisy namono ilay ramatoa be avy naka “pension”

Fandriampahalemana
Alatsinainy 15 Novambra 2021

Efa tena miharatsy ny fiainana. Ramatoabe 71 taona avy naka vola fisotroan-dronono no fantatra fa nisy namono tao an-tokantranony tao amin’ny Fokontany,Tanambao distrikan’Ambatondrazaka.

Raha araka ny loharanom-baovao voaray dia mipetra-drery ity renim-pianakaviana ity. Efa nisy roa andro anefa izy io tsy hitan’ny fiaraha-monina ka nanaitra ireto farany. Nihidy be rahateo ny trano. Ny zanany tonga avy any Antananarivo tamin’ny faran’ny herinandro teo noho izany no nahita ny razana efa nitsirara tao afovoan-trano. Nopitsohan’ilay zanany ny trano nihidy avy any ivelany ka ny vatana mangatsiakan-dRatompokovavy sisa no hitany teo. Feno mangana maro tamin’ny faritry ny vatan-dRamatoabe. Tombanana ho nisy nanafika sy namono ity renim-pianakaviana hoy ny vaovao. Tsy hita tao an-tokantranony intsony moa ny taratasy fakàny fisotroan-dronono sy ny findainy nandritra izany. Tsiahivina moa fa talohan’ity vono olona mahatsiravina ity dia tovovavy iray ihany koa no tratry ny fanolanana faobe tany Ambatondrazaka.
Pati