Fandriampahalemana

Ady amin’ny tsy fandriampahalemana Rakotra polisy manao fanamiana sivily ny faritra mena

Fandriampahalemana
Alakamisy 09 Mey 2019

Akanjo toy ny olon-drehetra mba tsy hisy hahafantaran’ny jiolahy azy no anaovan’ny mpitandro ny filaminana, efa ho roa herinandro izay hijokoana ireo jiolahy mpanendaka sy mpangarom-paosy eny amin’ny faritra mavaivay.

Raha 300 andavanandro, nampitomboina ho 950 koa ireo polisy mpanangom-baovao. Efa manana angom-baovao marim-pototra ny polisin'ny UIR(Unité d’Intervention Rapide) mikasika ireo mpanendaka eny amin'ny faritra mafana. Efa miandry fotsiny izy ireny ka miditra an-tsehatra avy hatrany raha vao misy manao fihetsika hafahafa. Ny sabotsy lasa teo, jiolahy iray no lavon'ny polisy teny ambadiky ny FOP 67ha. Tamin’ny talata 7 mey tamin’ny 6ora30mn maraina, jiolahy 4 indray no tratran’ny UIR. Vao nahita ny polisy nanatona izy ireo izay saika hanendaka olona iray teny Andavamamba dia vaky nandositra ka raikitra ny fanenjehana. Tany Anatihazo Isotry vao tratra ny 3. Ny iray kosa tsy nanaiky ny hosamborina fa nitsoaka na dia efa najanon'ny polisy aza dia voatifitra ka maty. Natolotra ny fitsarana avy hatrany izy telo lahy ireo fa ny iray lavo efa naterina teny amin'ny tranom-paty.

Haja Nirina