Fandriampahalemana

Ady amin’ny tsy fandriampahalemana Basy miisa 846 nopotehina tetsy Analakely

Fandriampahalemana
Alarobia 17 Oktobra 2018

Dingana ho amin’ny firosoana amin’ny ady amin’ny tsy fandriampahalemana no antony namotehana ampahibemaso ireo basy miisa 846 tetsy Analakely nandritry ny fankalazana ny iray volan’ny famotsoran-keloka amin’ny fahazoam-basy tsy ara-dalàna omaly,

raha ny nambaran’ny minisitry ny fiarovam-pirenena, Beni Xavier Rasolofosoa. Basy tsy ara-dalàna azo tamin’ireo karazam-panafihan-jiolahy sy dahalo nandritry ny fifampitifiran’ny mpitandro ny filaminana sy ireo olon-dratsy nanerana ny nosy izy ireto, hoy ny minisitra. Misy mahery vaika toy ny Kalachnikov, fusil automatique ary pistolet automatique tamin’izy ireo ary nisy basim-borona ihany koa. Havarina any an-dranomasina moa raha ny fanazavana ny potik’ireto basy ireto ary tsy fihetsiketsehana velively izao fa hatao fanao mandavan-taona.

J. Mirija