Fandriampahalemana

Ady amin`ny dahalo ambony latabatra “Rehefa miova ny toe-tsaina, mihena ny kolikoly”

Fandriampahalemana
Talata 02 Jona 2020

Nisy ny fanambarana niombonana nataon` ireo Minisitra misahana ny fandriam-pahalemana sy ny fitsarana nanambara tamin'ireo Solombavam-bahoaka, ny herinandro lasa teo,

fa hiady amin'ny heriny manontolo an'ireo dahalo ambony latabatra, toy ny mpiasam-panjakana na ny olom-boafidy manao ny tsy mety, mihoa-pefy ary manao kolikoly sy manao ramatahora na manararoa-pahefana. Nanamafy moa ny ministry ny fitsarana, Johnny Richard Andriamahefarivo, fa tsy azo nandeferana hatramin` izay ny kolikoly ka tokony hotohizana ny ady ataontsika rehetra amin` ny kolikoly. Mila manova toe-tsaina ny rehetra ka hampihena ny kolikoly. “Ny ratsy tsy kely lalana. Mora no miteny saingy sarotra no mahita sy manenjika. Miova aloha ny toe-tsaina na tomponandraikitra na ny olona hiantefahan` ny asam-pitsarana ihany koa. Aoka izay ity fahazarana mitady olona hikarakara na mitady vahoalana hafahafa mianga amin`ny tsolotra.”

Marigny A.