Actualités

Partagé sur :
• facebook

Nitsidika ara-pomba fifanajana tamin’ny Filohan’ny Antenimierandoholona Rakotomanana Honoré, tetsy amin’ny

 Lapan’Anosikely omaly alatsinainy 17 oktobra 2016 ny delegasiona  avy amin’ny BIT na Birao Iraisam-pirenena momba ny Asa  notarihan’i Christina Holmgren sy Carlos Carrion Crespo. I Madagasikara dia anisan’ireo firenena mpikambana eo anivon’ny Birao Iraisam-pirenena momba ny Asa ao anatin’ny Firenena Mikambana ka nojeren’ny vahiny ifotony ny Fifanarahana Iraisam-pirenena momba ny fanajana ny Zon’ireo Mpiasam-panjakana eto Madagasikara izay voarakitry ny fifanarahana iraisam-pirenena  mitondra ny laharana 151, 188 ary 199 mialoha ny hankatoavana azy eny anivon’ny Parlemanta. Inoana fa mba voajery tamin’izany ny marikarama marina iainan’ny mpiasam-panjakana eto Madagasikara ankehitriny. Ny Antenimierandoholona amin’ny maha Mpanolotsaina ny Governemanta eo amin’ny lafiny ekonomika sy  sosialy sady misolotena ny vondrom-bahoakam-paritra itsinjaram-pahefana azy  dia nanome toky ireto vahiny fa hijery akaiky ity fifanarahana iraisam- pirenena ity  miaraka ny minisiteran’ny asa sy ny lalàna sosialy eto Madagasikara mialoha ny dingana hankatoavana azy ety anivon’ny Parlemanta. Nialoha izany dia nandray ireo mpianatra Malagasy nahazo vatsim-pianarana ho an’ny firenena Rosiana sy Marokana  izay  nisedra olana noho ny fahataran’ny fiaingan’izy ireto hamonjy ny fianarany. Manoloana izany dia nandray andraikitra ny Filoha Rakotomanana Honoré ka niantso avy hatrany ny minisiteran’ny Fampianarana ambony sy fikarohana siantifika, hijerena akaiky ity  toe-draharaha ity.

Ntsoavina Evariste

Alatsinainy faha-17 Oktobra 2016.

Sampandraharahan’ny Fifandraisana

Tia Tanindrazana

Samia mijoro ho an'i Gasikara.