Actualités

Zazavavy 10 taona, naolana tovolahy 17 taona Simba tanteraka ny taovam-pananahany

Actualités
Alatsinainy 06 Oktobra 2014

Tsy ny an-tan�n-dehibe ihany no ahitana ny fanolanana zaza tsy ampy taona fa saika manerana ireo kaominina any Taolagnaro

. Zazavavy kely iray13 taona no nanamparan’ny tovolahy ny herisetram-pilana ara-nofo ny zoma 26 septambra teo tao Tsiharoa kaominina Mahatalaky. Mpiasa amin'ny ONG iray ilay tovolahy nahavanon-doza, ilay vavikely kosa mbola mianatra. Mikaroka azy ny mpitandro ny filaminana amin'izao fotoana. Tsy mifanalavitra amin’izay koa no nitranga tao amin ny tanàna iray atao hoe Talakifeno ao amin'ny kaominina Ifarantsa. Tovovavy kely iray hafa sahabo ho 10 taona no naolan'ny tovolahy 17 taona ny 17 septambra teo. Marihina fa fomban’ny any ambanivolo ny milalao diavolana amin’ny mandoliny ( kabosy). Tamin'io fotoana io no nanararaotan’ilay tovolahy nanamparany ny filan-dratsiny. Notereny sy nampitahoriny hovonoina ilay zaza raha milaza amin'ny reniny. Tambitamby no nahafantarana ny nahazo azy. Rehefa natao ny fitilian'ny zandary dia voaporofo fa nisy nanolana ary simba ny taovam-pananahany. Taorian'ny famotorana nataon’ny mpitandro ny filaminana dia niaiky ny heloka vitany izy ary nampidirina any am-ponja avy hatrany miandry ny fotoam-pitsarana azy.