Actualités

ZAZALAHY 6 TAONA Maty voahitsaky ny taksibe

Actualités
Talata 02 Desambra 2014

Tsy tonga teny amin�ny hopitaly akory ity zazalahy tokony ho 6 taona voahitsaky ny taksibe zotra faha-4 mankeny Tsararano ny zoma hariva teo dia maty.

Avy nianatra izy no niampita ny arabe ka tsy tazan’ilay mpamily. Takon’ny sampanan-dalana rahateo ilay zaza ka izay no nahatonga ny loza. Vokany, voadona teo amin’ny lohany ary naratra koa ny tongony sy ny tanany. Nentina teny amin’ny tombim-pahasalamana ihany saingy tsy tana ny ainy noho ny ratra nahazo azy. Matetika no ahitana lozam-pifamoivoizana ny lalana mihazo an’i Tsararano mandalo ny doany Miarinarivo iny. Tokony hapetraka ihany ny takela-pamantarana ny zavatra mety hiseho mialoha ny hiviliana mba ialana amin’ny loza mety hiseho. Ny mpamily koa tsy tokony handeha mafy rehefa mivily amin’ireny sampanan-dalana ireny.