Actualités

Zaza madinika Mila fahaizana ny fampivelarana azy

Actualités
Talata 26 Aprily 2016

Tena ilaina ny fanofanana ny ray aman-dreny hahafahana mampivelatra bebe kokoa ny zaza

. Tafiditra ao anatin’izany ny fifampizarana traikefa, hetsika izay natambatry ny Prima Baby teny Antanimena ny sabotsy teo tao anatin’ilay hetsika Prima Academy. Ankoatra ny renim-pianakaviana dia tonga marobe ihany koa ny raim-pianakaviana sy ireo tovovavy mbola mpitovo izay samy liana tamin’ny hetsika avokoa. Raha araka ny fanazavan-dRamamonjisoa Dina izay tompon’antoka tamin’ny fampiofanana dia hatreo amin’ny faha-enin-taonan’ny zaza no midina no hahafahana mamolavola ny zaza ho olom-banona izay mitaky ny andraikitry ny ray aman-dreny be dia be tokoa. Narahina fizarana loka ho an’ireo zazakely mendrika indrindra tamin’ny fifaninanana Primababy 2016 izany. Amin’ny volana Jona indray ny hetsika manaraka.

Pati