Actualités

Zandary lahy sy vavy miisa 255 Nanatanteraka fanazarantena 5 andro tsy miato

Actualités
Alarobia 16 Novambra 2016

Notontosaina nandritra ny dimy andro tsy miato, ny 7 ka hatramin�ny 11 novambra 2016 tao anatin�ny Distrikan�i Moramanga, ny fanazarantena arak�ady na ilay antsoina hoe :

”manoeuvre tactique sur terrain” mba ahafahan’ny mpiofana eo anivon’ny Sekoly ambonin’ny Zandarimariam-pirenena Moramanga hiatrika sy hisoroka avy hatrany ireo tranga mety ho fampihorohoroana sy halatra ataon’ny jiolahy na an-tanàn-dehibe na ambanivohitra. Ireo mpiofana manamboninahitra 29°CPOS, 29°CFOR, ireo ho zandary prinsipaly ao amin’ny 29°SMP/BS1 ary zandary lahy sy vavy ao amin’ny andiany 9°CS1-CS2/INFO miaraka amin’ireo manamboninahitra mpampiofana ao amin’ny sekoly izay mitotaly 225 no niara-nanatontosa ity fanazarantena ity. Ny Kolonely Ramasitera Ny Haingo Zafinirina, Komandin’ny Sekoly ambonin’ny zandarimariam-pirenena no nitarika sy nandrindra ny sarin’ady ary ny Jeneraly Randrianarimanana Mosesy, Talen’ny fikarohana ny fandikan-dalàna eo anivon’ny fibaikoana ny zandarimariam-pirenana no nanome voninahitra ny famaranana.

Jean D.