Actualités

Zanak’Ifanadiana V7V Mitaraina amin’ny Tsindrihazolena nahazo azy ireo

Actualités
Zoma 21 Jona 2019

Solontena roa, ny printsy Ralaizandry Honore Alexandre sy Randrianasoloniaina Jocelyn,

nalefan’ny vahoka any amin’ny distrikan’Ifanadiana sy ireo Ampanjakan’Antaretra, Andranomaitso, Ambodirafia, Androrangavola, Fenoarivo, Ambodiara, Antafotenina, Ifanadiana, Kelilalina, Ambohimanarivo, Tsaratanana, Maromena, Ambohimanga-Tsinjosarivo, Analamarina-Ambohimiera, Sahafitoroka, Andranofolahina-Ambalafasina, Vohitrarivo, Ranomafana, Soanierana, Vatofotsy ary Andemaka no tonga eto Iarivo mba hitondra ny fitarainana aty amin’ny fitondrana mahefa (filoham-pirenena, praiminisitra, filohan’ny Antenimierandoholona, ny Ceni ary ny Hcc) noho ny tsy rariny sy tsindrihazolena nahazo azy ireo nataon’ny kandidam-panjakana (IRD) tany amin’ity distrika ity nanombaka tamin’ny « pré-campagne » sy nandritra ny fampielezan-kevitra ary nandritra ny fifidianana solombavambahoaka tamin’ny 27 mey 2019 teo. Diso tafahoatra loatra, hoy izy ireo, ny fanodinkodinana ny safidim-bahoaka natao tany Ifanadiana ka tena malahelo ny vahoaka ary tsy tompon’andraikitra amin’izay mety hataon’izy ireo amin’izany izahay. Niharihary ny hala-bato nitranga tany amin’ity distrikanay ity, hoy izy ireo, ka efa nanaovanay fitarainana any amin’ny HCC. Tsotra ny anay : “rehefa mpangalatra, indrindra ny hala-bato, dia mendrika ny sazy sahaza azy”.

Ntsoavina Evariste