Actualités

Vondrona VMSA Fa taiza tamin�ny 2009 ?

Actualités
Alatsinainy 20 Oktobra 2014

Rakotra ireo mersenera politika ny haino aman-jery teto an-drenivohitra ny faran�ny herinandro teo, mamono afo manoloana ny hatezeran�ny mpomba ny filoha Marc Ravalomanana taorian�ny nisamboran�ny Fanjakana ity farany,

ka nanagadrana azy any Antsiranana. Mikambana ao anatin’izany vondrona VMSA izany izy ireo ary milaza ho mijoro hiaro ny safidim-bahoaka sy ara-dalàna. F’angaha tsy vitan’ny foloalindahy izany ? Anisan’ny iraka tanterahin’ny foloalindahy anie ny hiaro ny andrimpanjakana sy ny ara-dalàna e ! Sa efa tsy atokisana intsony izy ireo no mamorona vondrona ivelan’ny fanjakana indray ? Ary mba taiza moa ireto milaza fa hijoro hiaro ny safidim-bahoaka ireto tamin’ny 2009 ? Izany anie no fototry ny olana tsy mety mivaha mandrak’ankehitriny io e : ny fanosihosena ny safidim-bahoaka noho ny fanonganam-panjakana. Sa fivoizana resa-piaviana sy foko araka ny litania ataon-dry Voninahitsy Jean Eugène ity ambara fa fiarovana ny safidim-bahoaka sy ny ara-dalàna dradraina sy andaniam-bola itetezana faritra ataon’izy ireo tato ho ato io ka ilazana fa korontanin’ny Merina ny fanjakana ka mila mijoro ny Tanindrana ?