Actualités

Vola sandoka tany Mahajanga Olona 9 niakatra fampanoavana omaly

Actualités
Sabotsy 23 Aprily 2016

Nahatrarana vola sandoka indray tany Mahajanga, araka ny tatitry ny mpitandro ny filaminana omaly

. Olona miisa telo efa havanana amin’izany no tratra tany Mahajanga ny talata 12 aprily lasa teo. Niampy enina izy ireo taorian’ny fiaraha-miasan’ny mpitandro ny filaminana eto Antananarivo sy ny banky foibe any Mahajanga ka tafakatra sivy. Ilay iray tratra teny Androndrakely Antananarivo tafiditra tao anatin’ny vovon’ny mpitandro ny filaminana no namoaka ny marina rehetra mikasika izany ary samy niaiky izy ireo nandritra ny famotorana natao azy fa tena mpanao vola sandoka tokoa. Nokasaina haparitaka teto Antananarivo ireo vola sandoka ireo. Tratra niaraka tamin’ireo telolahy voalohany nandritra izany ny solosaina miisa roa, ny imprimante roa niaraka tamina matrice. Natolotra ny fampanoavana omaly izy ireo taorian’ny fampahafantarana ny zava-misy tamin’ny mpanao gazety. Marihina fa teny Ambohipo ihany koa no nahatrarana ireo mpanao vola sandoka sasany.

Pati