Actualités

Voafonja tsy ampy taona Kamboty ny 70%

Actualités
Alarobia 23 Novambra 2016

Araka ny tatitra azo teo anivona sampandraharaha iray misahana ny fanarenana ireo zaza nania ho ao anaty fiarahamonina indray dia kamboty avokoa ny 70%-n�ireo zatovo tsy ampy taona 115 voafonja ao Antanimora.

Ny 30%-n’izy ireo dia omena fiofanana arak’asa ary fiofanana ankapobeny kosa ny 70%, izany hoe mianatra avokoa izy ireo. Misy ihany koa ny fampivelarana ireo talenta ara-javakanton’ireto zatovo voafonja ireto. Ho fandraisan’anjaran’izy ireo amin’izao fandalovan’ny fihaonamben’ny frankofonia eto amintsika izao dia hisy ny hampiseho ny talentany etsy amin’ny Is’art galery Ampasanimalo anio amin’ny 1 ora sasany antoandro. Mety ho antony mahatonga ireto zatovo ireto hahavita heloka, raha ny fanazavan’ny tompon’andraikitra, ny tsy fahampiana, indrindra ny fahakambotiana. Mangataka tan-tsoroka ho azy ireo mba tsy hahatsiarovany tena ho voailiky ny fiarahamonina rehefa tafavoaka ny fonja, hoy ny fanazavana. Zatovolahy ny ankamaroan’ireo voafonja. Vitsivitsy ihany ireo zatovovavy.

Faralahimatoa