Actualités

Vidim-bary eny an-tsena Mitombo isan-kerinandro

Actualités
Alakamisy 28 Aprily 2016

Tsy mitsaha-mitombo hatreto ny vidim-bary eny an-tsena. Manodidina ny 1.500 ariary ohatra ankehitriny ny kilao amin�ny vary gasy raha 1.560

ariary ny vidin’ny vary makalioka. 1.300 ariary sy 1.400 ariary kosa izany tamin’ny herinandro lasa. Tsy mahagaga io fidangan’ny fototsakafon’ny Malagasy io rehefa manatona ny vanim-potoanan’ny fiakaram-bokatra, hoy ireo mpamongady. Mbola mandany ireo voka-bary teo aloha mantsy ireo mpaninjara eo am-piandrasana ny fahatongavan’ny fitobaky ny vary afaka herinandro vitsivitsy. Kely rahateo ireo vary hita eny an-tsena amin’izao fotoana izao mihoatra amin’ireo vokatra ho avy amin’ity taom-piotazana 2015-2016 ity. Tena tsara moa ny voka-bary tamin’ity indray mitoraka ity raha ny fampitam-baovao avy amin’ny tantsaha mpamokatra ary efa nohamafisin’ny teo anivon’ny minisitera mpiahy. Tokony hisy akony lehibe amin’ny fihenan’ny vidim-bary eny amin’ireo toeram-pivarotana io fitombon’ny vokatra vinavinaina hatrany amin’ny 4 tapitrisa taonina io izay miankina betsaka amin’ny fanaraha-maso ifotony avy amin’ny minisiteran’ny Varotra sy ny Fanjifana, araka ny fanazavana avy amin’ny vovonana misahana ity sehatry ity.

Ramano F.