Actualités

Partagé sur :
• facebook

Lehihahy telo miampy vehivavy 11 no voasambotry ny polisy avy ao amin’ny « enquête spécialisée »

 etsy  Anosy ny 24 martsa lasa teo noho ny resaka fandefasana vehivavy hiasa any Koweit. Ny marainan’io andro io dia nisy vehivavy efatra tonga teny Anosy mba  hanao pasipaoro. Rehefa izany dia nampiahiahy ny polisy ny taratasy momba azy ireo ka nanomboka teo ny fanadihadiana. Tamin’ny famotorana natao azy ireo no nahafantarana fa ny telo no tena  hanao « Passeport » fa ny iray kosa mpanaraka fotsiny. Nilaza izy ireo fa nampanantenaina hiasa any Koweit , ka nakana vola 1 tapitrisa Ariary avy. Rehefa nohadihadiana ireto farany dia nanoro ny trano fanafenana azy ireo alohan’ny hanondranana azy any Koweit  ka vehivavy miisa fito  no mbola tratehaky ny Polisy tao amin’ilay trano.Tratra teny 67 ha ny lehilahy iray 39 taona izay nanafatra ireto vehivavy  ireto tany Andapa ary mampiantrano azy ireo eto Antananarivo. Voasambotra tamin’io ihany koa ny lehilahy 37 taona, izay mbola nahatrarana vola mitentina 2.750.000 Ariary sy vola  vahiny 600 dolara. Izy no manangona ireo vola any amin’ireo vehivavy haondrana sy ny vola alefan’ireo olona any Koweit  andefasana ireo vehivavy ireo. Tamin’ny fanadihadiana ihany   koa no nahafantarana fa izy no manatitra ireo vehivavy eny Ivato  rehefa ho any Koweit ary mbola misy ramatoa iray no tena Mpaniraka azy. Voasambotra teny Ampefiloha ihany koa ny lehilahy iray  32 taona izay zanak’ilay tena ati-doha mikotrika ity fanondranana vehivavy makany Koweit  ity.  Efa nalefa any am-ponja vonjimaika avokoa izy 14 mianadahy ireo. Mbola tadiavin’ny mpitandro ny filaminana kosa ilay lehilahy tena tompon’antoka feno amin’ity raharaha ity

Tia Tanindrazana

Samia mijoro ho an'i Gasikara.