Actualités

Vato karangana Malagasy Hanomboka ny fanondranana atsy La R�union

Actualités
Alarobia 14 Oktobra 2015

Hanomboka amin�ity herinandro ity ny fanondranana vato karangana miainga eto Madagasikara mankany amin�ny nosy La R�union, raha tsy misy ny fiovana.

Mahatratra hatrany amin’ny 221.000 taonina ny filana hanatanterahana ilay tetikasa fanamboarana lalam-baovao manamoron-dranomasina mialoha ny vanim-potoanan’ny orana ao amin’ity nosy rahavavy ity. Milanja 1 alina taonina kosa ny vato karangana hiainga voalohany ao amin’ny seranan-tsambon’i Toamasina hosahanin’ny orinasa Colas izay niomana ny amin’ny fiatrehana izany efa ho herinandro maromaro izay, araka ny fanazavan’ny tale jeneralin’ny seranan-tsambo Christian Avellin Eddy. Avy amin’ny toerana fitrandraham-baton’ny orinasa vahiny frantsay eto Madagasikara ihany ireo vato karangana haondrana milanja 5 taonina isanisany ireo izay manana taratasim-pifanarahana miaraka amin’ny fahazoan-dalana ara-dalàna avy amin’ny minisiteran’ny Harena ankibon’ny tany. Tsy afaka mamokatra vato milanja manodidina ny 3 hatramin’ny 6 taonina mantsy ity firenena nosy mpifanolo-bodirindrina amintsika ity. Efa niato hatramin’ny fiatombohan’ny taona moa ny tetikasa fanamboaran-dalana mampitohy an’i Saint-Denis sy La Possession izay mila hatrany amin’ny 18 tapitrisa taonina mahery noho ny olana ara-pamatsiam-bato.