Actualités

Varotra fanafody tsy ara-dal�na Hofongorina amin�ny fomba mihaja

Actualités
Alakamisy 27 Oktobra 2016

Tena mampiaiky ny maro tokoa ny firongatry ny varotra fanafody tsy ara-dal�na eto amintsika.

Anisan’ny toerana mbola ahitana izany betsaka ny eny Ambohipo izay marihina fa efa toy ny kilalaon’ireo mpivarotra mihitsy satria izy ireo indray no manontany ny mpividy. Hiara-kiasa hiady amin’izany ny minisiteran’ny Fahasalamam-bahoaka sy ny orinasa Salama izay mankalaza ny faha-20 taona nijoroany. Amin’ny fomba mihaja no hamongoran’izy ireo izany raha araka ny fanazavana azo omaly. Anisan’ireny ny fanaparitahana ny fanafody génerique izay vokarin’ny orinasa Salama, karazana fanafody izay latsaka kely foana amin’ny fanafody manokana ny kalitaony nefa zakan’ny fahefa-mividin’ny besinimaro. Efa ny 90%-n’ny tobim-pitsaboana CSB II mantsy ankehitriny no mampiasa io fanafody génerique io, 60 % ny hopitaly lehibe. Ezahina haparitaka any amin’ny hopitaly lehibe rehetra sy ny faritra saro-dalana manerana ny Nosy ny fanafody generique mba hahafahana manafoana ny varotra fanafody tsy ara-dalàna. Nandritra ilay varavarana misokatra notanterahina tetsy Anosy nanokafana ny fankalazana ny faha-20 taonan’ny orinasa Salama no nahafantarana izany omaly. Tsiahivina moa fa ity orinasa ity no hany orinasa faharoa nahazo ilay ISO aty amin’ny faritr’i Afrika tamin’ny resaka famokarana fanafody.