Actualités

Tsy maintsy hiseho

Actualités
Talata 01 Martsa 2016

Be loatra ry Jean ny salobokomana ataonareo ao ka sao kenda a ! Tsy hisy takona izay tsy hiseho anie e ! Ary vao mihetsika kely ianareo dia efa ranga koa ny mason�ny olona.

Inona indray izao ity akamanao mibodo tanin’olona an-kitsirano izao ity fa hoe hanamboatra hotely goavam-be, hono. Sa ireny ilay hoe zarazarao hihinanana ? Ianareo mianakavy no matavy mialohan’ilay fivorian’ny miteny Frantsay amin’ny novambra a ! Ny ataon’i Madama be eny Ivato efa tena raharaha be, izao mbola ampiana an’ity iraikalahy ity indray. Fa ianao ve aloha mba mahara-baovao ihany sa tena tsy asinao sira intsony izay menomenona sy fitarainan’ny olona e ? Ny olona efa tena leo amin’ny hetraketrakareo a ! Aiza ve ka sady bodoina ny tanin’olona, asondrotra daholo izao karazan-ketra rehetra izao. Moramora ihany Jean fa efa misy mandray an-tsoratra ny hadalanareo anie any ho any ka ho sahirana ianareo rahatrizay tsy manam-pahefana intsony e ! Alefa ihany ny ritsoka aloha sao mba mihaino ianareo.

Marco