Actualités

Tsy fandriampahalemana Lasibatra hatrany ny any atsimo

Actualités
Talata 16 Aogositra 2016

Ny faritra atsimon�ny nosy no manana mpitandro ny filaminana maro indrindra amin�izao kanefa dia anisan�ny tena lasibatra ihany koa amin�ny tsy fandriampahalemana raha mihoatra amin�ireo faritra hafa rehetra noho ny halatra omby mifanesy any an-toerana

. Hisy, araka izany, ny paikady vaovao izay miompana amin’ny fiombonan-kery hotanterahin’ireo sampana fitandroana ny fandriampahalemana 3 hiadiana amin’izy io. Ny polisy nasionaly, hoy ny sekreteram-panjakana miadidy ny zandarimariam-pirenena, ny jeneraly Paza Didier, no misahana io lafiny io ho an’ny tanàn-dehibe ary ny zandarimariam-pirenena kosa no miandraikitra azy any ambanivolo. Manampy koa ny tafika malagasy, indrindra ho an’ny ambanivohitra. Izay firaisankina izay no tena ilaina hahafahan’ny vahoaka hiadana sy hamokatra tsy amin-tebiteby intsony noho ny afitsoky ny dahalo. Notoloran’ny filoham-pirenena Hery Rajaonarimampianina lelavola ho fankaherezana azy, ireo zandary any atsimo ary dia nampitomboina ihany koa ny isan’izy ireo. Hisy ny famaritana ny tomban’ezaka hatao afaka 3 volana ary hisy koa ny fitsidihana hatao any amin’ireo faritra mena toa an’i Sakaraha sy ankazoabo amin’ny faran’ity herinandro ity.

Mirija