Actualités

Tsitsika sy drakaka tsy misy taratasy Saika haondrana, sarona tany Morondava

Actualités
Alakamisy 14 Janoary 2016

Mitohy hatrany ny fanondranana an-tsokosoko ireo karazana hazan-dranomasina any amin�iny faritra atsimon�ny Nosy iny amin�izao fotoana izao.

Tsitsika milanja 40 kilao sy drakaka 5 kesika indray mantsy izay samy tsy misy taratasy ara-dalàna avokoa no sarona tao amin’ny toby fiantsonan’ny taksibrosy hihazo an’Antananarivo ao Morondava, afak’omaly. Saika hoentina hihazo an’Antsirabe ireto karazana hazan-dranomasina ireto ary efa nafenina sy notahitahiana mafy saingy izao mbola tratra izao ihany. Vokany, voatery noraofina ireto entana ireto ary nentina eny anivon’ny sampandraharahan’ny jono any an-toerana. Raha araka ny vaovao farany moa dia hozaraina amin’ireo olona sahirana any an-toerana izy ireo raha nahazo fampitandremana mafy kosa ireo tompony. Hihamafy ny fanaraha-maso ny fivoahan’izy ireny any amin’iny faritra Menabe iny mba tsy hiteraka fakam-panahy ho an’ny hafa intsony. Tsiahivina fa anisan’ny tena lafo amin’izao ny iray kilao amin’ny drakaka satria efa mahatratra 10.000 Ar ho antsika eto an-drenivohitra.

Pati