Actualités

Tsenaben�ny sakafo sy ny lakozia Hanomboka ny 30 oktobra

Actualités
Sabotsy 24 Oktobra 2015

Raikitra indray ny andiany fahadimy amin�ny tsenaben�ny sakafo sy ny lakozia, karakarain�ny Show bizz company, etsy amin�ny lapan�ny kolontsaina sy ny fanatanjahantena etsy Mahamasina.

Ny 30 oktobra ka hatramin’ny 01 novambra ho avy izao indray no hanatanterahana azy, hetsika eo ambany fanaraha-mason’ny minisiteran’ny fahasalamana sy ny ofisim-pirenena momba ny fanjarian-tsakafo. Hampiavaka ity andiany ity ny fisian’ireo karazan’entana hiaka farany momba ny fikarakarana sakafo ao an-dakozia ankoatra ireo sakafo amin’ny vidiny eny amin’ny ozinina mpamokatra. Mahatratra 120 ireo tranoheva handray anjara amin’izany izay nomarihin-dRakotoarivao Tsiory, mpitantana ny Show bizz company fa efa matihanina avokoa. Tanjona ny hanomezana fahafaham-po ny vehivavy amin’ny fikarakarana sakafo sy ny kojakoja mifandraika amin’izany. 2.000 Ar no vidim-pidirana. Manodidina ny 25.000 eo ho eo moa ireo mpitsidika andrasana amin’izany, hetsika izay nahitam-pahombiazana hatrany hatramin’izay.