Actualités

TSENA COUM - 67 HA Nofefen�ny Emmo-Reg omaly maraina

Actualités
Talata 09 Desambra 2014

Nofefen�ny Emmo-Reg omaly maraina ny tsenan�i Bagdad etsy amin�ny Coum 67 ha. Mirefy 30 metatra amin�ny 50 metatra izy io, raha 20 metatra amin�ny 70 metatra no voalazan-dRakotoarison Menja

, solontenan’ny mpivarotra fa ilain’ny orinasa Seimad. Misy mpivarotra 500 ao anatin’io faritra voafefy io. Raha araka ny fanadihadiana natao teny an-toerana dia omaly tamin’ny 5 ora maraina no tonga tao amin’ity tsena ity ny vadintany iray, niaraka tamin’ny Emmo-Reg sy ny Emmo sécurité tanatina fiara 4x4 miisa efatra ary ny solontena avy amin’ny orinasa Seimad. Ny mpiambina ny tsena no nampandre ireo mpivarotra nandritra izany, ireto farany izay mbola manana ady amin’ity orinasa iray ity sy ny fivondronana eny amin’ny tribonaly. Nambaran’ny vadintany tamin’ny solontenan’ny mpivarotra tamin’izany fa nahazo didy avy tamin’ny tribonaly izy ireo ka tsy maintsy manao ny asany. Eo an-danin’izay anefa dia anio talata 09 desambra no hiakatra fitsarana ny ady maika nitorian’ireto mpivarotra 500 ireto ny fivondronana sy ny Seimad raha amin’ny volana febroary kosa ny ady fototra. Manoloana izany dia mbola manohy ny asa fivarotany toy ny andavanandro ihany ireto mpivarotra miisa 500 ireto. Na izany aza anefa dia miandry ny fanohanan’ny mpisolovavany kosa izy ireo hahafahana mamaha ny olana.