Actualités

Tetikasa AMBATOVY Manazava manokana ny hetra aloany

Actualités
Alarobia 17 Desambra 2014

Nanomboka omaly talata 16 desambra ny varavarana misokatra faha-02 karakarain�Ambatovy ao Toamasina. Ny momba ireo hetra aloany amin�ny fanjakana malagasy sy ireo asa sosialy sy tontolo iainana ataony no asongadiny ao.

Araka ny fanazavana nomen’ny orinasa dia miisa 40 ireo karazana hetra aloan’Ambatovy amin’ny fanjakana amin’izao fotoam-pitrandrahana sy fanondranana ataony, anisan’ireny ny TVA 20%, ny hetra tany ampiasain’Ambatovy, haba fanondranana, haba loadoany, taxe professionnelle, tamberimbidy amin’ny rano ampiasainy…ary ilay tamberimbidy 01% amin’ny vokatra aondrana. Nomarihan’Ambatovy fa “ny nikela sy ny kobalta no maha Ambatovy azy. Ankoatra izay, mitrandraka ‘Zinc’ sy ‘Varahina’ koa Ambatovy, noho ilay fahazoan-dalana ‘permis unique 459’ momba ny ‘metaux non-fereux’. Tratry ny antsojain’ny minisiteran’ny fotodrafitrasa sy ny lafintany misahana ny fananan-tany Ambatovy tamin’ny fanomanana ity varavarana misokatra ity. Tsy nomena ny lapan’ny tanàna izy fa nomena ny hetsiky ny sehatry ny fananan-tany ny toerana.