Actualités

Televiziona nasionaly Tsy misy mpiraharaha

Actualités
Alakamisy 04 Febroary 2016

Enina herinandro izao no tsy manana Tale ny fahitalavi-panjakana TVM.

Vonjimaika no misahana ny asa aman’andraikitry ny tonian-dahatsoratra. Nisy filankevitry ny minisitra omaly, ary nisy, toy ny mahazatra, ny fanendrena mpiasam-panjakana ambony fa tsy tao anaty lisitra ny an’ity fahitalavi-pirenena ity. Tsy laharam-pahamehana sa tsy firaharahana tsotra izao ? Sa izao no mahamety azy ? Nihazakazahan’ny fitondrana Rajaonarimampianina ny nanala tamin’ny toerany ny Tale Lantomalala Rasata, tsy nandingana faran’ny taona, mba hanao taom-baovao akory. Raha ny hamehana tamin’izany dia toa efa vonona any ny handray an-tanana an’ity fahitalavi-panjakana ity, nisy rahateo ny anaran’olona efa henoheno teny nefa tsy mety voatendry hatramin’izao ihany ny tompon-toerana. Sa atao ady gasy izy ity ka vitavita ho azy eny ?

Jean D.