Actualités

Tarika Sariaka Mamaha krizy ny tononkirany

Actualités
Talata 22 Martsa 2016

Tarika iray miavaka ny tarika Sariaka, anarana gasy izay manamarika ny fahitsin�ny fo.

Ankoatra ny maha zava-kanto ny sangan’asany mantsy dia mandray anjara amin’ny famahana olana eto amin’ny firenena amin’ny hira havoakany ihany koa izy toy ny tsy misy mihaino, tsy misy mihaino, hira efa nahafantaran’ny maro azy hatramin’izay. Tanjona tamin’io hira io ny mba hahafahana mamolavola lalàna miainga amin’ny vahoaka ho lalàna tokana hahafahana manana mandritra sy mandamina ny firenena. Efa namoaka ny rakikirany voalohany ny tarika Sariaka. Efa nanafana ny lanonana nandritra ny fankalazana ny festival kidodo taona 2005 ihany koa izy nentina nanandratana ny kolontsaina Malagasy. Tsiahivina moa fa i Sariaka na Randrianasolo Haingonirina no filoha mpitantana ny fikambanana Banjina izay manana tanjona hiady amin’ny fahantrana sy ny tsy fananan’asa mianjady amin’ny tanora eto amintsika. Anisan’izany ny fampiofanana momba ny fitrandrahana volamena, ny fanamboarana firavaka. Eo am-panomanana ny hirany vaovao ny lehilahy ankehitriny mitondra ny lohateny hoe : gasikarako.