Actualités

TARATASIN`NY DAHALO TE HIOVA

Actualités
Zoma 28 Novambra 2014

Dahalo maro eny ambany tan�na No nandefa teny sy mba nitaraina � Mba ho azonay ve ny fikarakarana Raha milavo lefona fa tonga saina ?

Dia hisy arakaraka ve any aoriana

Sa vitam-pifonana sy fiaikena ?

Ny anay mantsy anie tena hoe tsy fisiana

No antony naha dahalo ny tena !

Sa misy dahalo novorivoriana

Mba ho dokambarotry ny fitondrana ?

Ka nomena vola, nomem-pitafiana

Fa hoe mba dahalo efa niova fitàna ?

Dia tena ho filma kely mandalo,

Fisehosehoana amin`ny mpamatsy vola,

Fa ao Gasikara dia be ny dahalo

Efa mba niova fo f`efa resy sy tola ?

Tsy maintsy paipaika maloto hoatr`izao

Ve no mba hanarenana ity nosintsika ?

Mpitondra o ! ny fomba madio no zahao

F`aza lotolotoina amin`izay politika.

SEDERA RAVALISON (27-11-14)