Actualités

Taratasim-bola tsy misy antoka Nifanatrika teny amin�ny fitsarana ny mpandraharaha goavana 2

Actualités
Zoma 28 Novambra 2014

Nifanao � face � face � teo anatrehan'ny mpitsara ireto samy mpandraharaha roalahy ireo dia Avoro Ykbal sy i Hakimoudine. Lohahevitra telo niainga tamin'ny fitorian'ny an-daniny sy ny an-kilany no notsaraina.

Resaka taratasim-bola tsy misy antoka niampy fanararaotana famenoana taratasim-bola tamin'ny fomba tsy ara-dalàna amin'ny zavatra tsy nifanarahana no nampifanolana an’i Avoro-Ykbal sy Hakimoudine. Feno hipoka ny efitrano malalaky ny fitsarana ambaratonga voalohany tao Tolagnaro, naharitra efatra ora ny fitsarana. Voatery nantsoina tamin'ity fitsarana ity ny solontenan'ny Banky Foibe any an-toerana. Samy nanazava teo anatrehan'ny fitsarana ny ny roa tonta ary ny solontenan'ny banky natrehin'ireo mpisolovava azy avy. Samy mpandraharaha nifampatoky ny roa tonta saingy tsy nifanara-kevitra nony tato aoriana. Marihina fa naka manampahaizana manokana amin'ny fitiliana taratasim-bola ny mpitory an'i Avoro Ykbal saingy tsy noraharahain'ity farany. Samy nitaky onitra ny roa tonta. Ny talata teo no natao ny fitsarana ary andrasana amin'ny talata ho avy izao ny didim-pitsarana.