Actualités

TAPANY AMBANJA

Actualités
Sabotsy 27 Aogositra 2016

Nijanona tsy nety nanohy fanofanana ny mpanofana sy mpiofana ENF (Enseignants Non Fonctionnaires) tao Ambanja nanomboka omaly,

rehefa nahavita roa herinandro amin’ny enina herinandro tokony hatao, noho ny resa-bola tambinkarama sady tsy azo no nahena ihany koa. Raha 140.000 isan’olona isan-kerinandro ny vola tokony horaisin’ny mpiofana, dia nihena ho 90.000 Ariary isan’olona izany mandritra ny iray volana sy tapany haharetan’ny fanofanana. Mafampana ny toe-draharaha omaly.

ANDREFANAMBOHIJANAHARY
Hiverina hamory olona etsy amin’ny tranoben’i Sylvain Rabetsaroana etsy Andrefanambohijanahary ny hetsika Mitsangana ry Malagasy anio. Famoriam-bahoaka fanindroany hataon’ny hetsika ao an-toerana io, taorian’ny tamin’ny 19 jolay 2016, rehefa tsy azony ny Kianja mitafo Mahamasina.

SARANDALANA
Nifarana halina tamin’ny misasakalina ny fe-potoana nomen’ny vondron’ny kaoperativa mpitatitra an-tanàn-dehibe ny fanjakana amin’ny hanonerana ny elanelam-bidy nateraky ny fiakaran’ny vidin-tsolika, hisorohana ny fiakaran’ny sarandalana.

TOLIARA
Paositry ny polisy miisa telo no notokanana tamin’ireo toerana mafampana ao an-tampon-tanànan’i Toliara ny herinandro lasa teo dia ao Sanifily, Antsongobory ary Andabizy. Navoitran’ny minisitry ny Filaminam-bahoaka nandritra izany fa ny hampisy fandriampahalemana no antony. Tsy misy fampandrosoana vanona raha tsy misy fandriampahalemana, ho izy.