Actualités

Tanjombato Tsy nisy mpaka ilay lehilahy maty hitan�ny fokonolona

Actualités
Sabotsy 20 Aogositra 2016

Nahitana fatin-dehilahy iray manodidina ny 40 taona mahery teny amin�ny ranon�i Tanjombato omaly maraina tokony ho tamin�ny 10 ora.

Olona teny amin’ny manodidina ihany no nahita ny razana izay samy naminavina ny mety ho namonoana ity lehilahy ity dia natsipy tany anaty rano. Tsy nisy nahalalana azy intsony ny endriny iray manontolo raha efa raparapa ihany koa ny vatany. Efa nilon-drano andro vitsivitsy rahateo raha ny fahitana ny razana satria dia nibontsina tanteraka. Natahotra sy ontsa izay rehetra nahita ka tsy nisy sahy nanatona. Manao akanjo jogging marron, tsy mipataloha, manao atin'akanjo mainty, lobaka manga ity lehilahy ity ary misy sac banane mifatotra eo amin'ny kibony. Niezaka nampiakatra ny razana teo amoron-drano ny tompon’andraikitra. Efa nisy ny antso natao tamin’ny manodidina saingy tsy nisy havany nipoitra hatramin’ny omaly hariva. Tsy nisy taratasy nahalalana azy rahateo tany amin’ny maty.

Pati