Actualités

Taksibe nandona vehivavy bevohoka Torana, afa-jaza ary tapa-tanana ilay ramatoa

Actualités
Alakamisy 15 Janoary 2015

Asa izay nahazo an�ity taksibe iray nandeha mafy nefa tsy nitondra mpandeha. Tao anatin�ny orana nijojo afak�omaly hariva dia nitrangana lozam-pifamoivoizana nahatsiravina nandratrana olona indray tetsy 67 ha Atsimo (sampan-dalana mankany Itaosy), tokony ho tamin�ny 7 ora sy sasany tany ho any

Ramatoa iray 27 taona, mpivaro-gazety handeha hody izay bevohoka dimy volana niampita no nodomina taksibe iray, ka afa-jaza ary tapa-tanana mihitsy. Raha ny angom-baovao, niampita tampoka ity vehivavy ity ka vaofaok’ilay fiara fitateram-bahoaka nisosososo avy any tsy tafajanona intsony tao anaty fiolanana ary nitrosona teo amin’ny arabe ka voatetin’ny kodiarana ny feny sy ny kibony.

Hatezeram-bahoaka, mpamily naratran'ny daroka

Vokatry ny dona mafy nahazo azy, torana tsy nahatsiaro tena ilay ramatoa. Mbola nisy aina kely izy ka nentina haingana namonjy toeram-pitsaboana, teny an-dalana afa-jaza izy. Raha ny voalazan’ireo nanatri-maso dia tsy nijanona ilay taksibe nahavanon-doza fa nanohy ny diany. Nenjehin’olona ka tratra tao anaty fitohanana 200 metatra avy eo tsy afa-nihetsika intsony. Noho ny hatezeram-bahoaka naratra vokatry ny daroka ny mpamily ary nahitana fahasimbana ilay fiara voatora-bato.