Actualités

SUCOMA Morondava Mbola nitohy ny sakoroka, may ny orinasa

Actualités
Zoma 12 Desambra 2014

Fantatra izao fa dia mbola nitohy omaly ny sakoroka sy ny fihetsiketsehana nataon�ireo mpiasa tao amin�ny orinasa SUCOMA Morondava

Na dia efa navoaka sy nalefa nody tany an-tranony aza ireo solontenan’ny mpiasa izay nosamborin’ny zandary dia tsy nanaiky ireo mpiasa fa niroso tamin’ny hetsika hatrany. Vokany, may ary kila tanteraka ny orinasa. Fantatra ihany koa fa dia voaroba ny entana rehetra tao anatiny toy ny siramamy milanja 600 taonina, ny fanaka samihafa ary kojakoja nampiasaina nentina nampihodina ny orinasa. Manoloana izany dia niantso fitoniana ny lehiben’ny faritra Menabe saingy tsy nisy vokany izany. Raha ny angom-baovao ihany koa dia tsy voafehin’ny mpitandro ny filaminana any an-toerana intsony ny toe-draharaha satria mbola nisy ny fikasan’ireo fokonolona handroba ny Cité nisy ireo sinoa. Araka izany dia nisy ny fandefasana mpitandro ny filaminana fanampiny avy aty Antananarivo hanampy ireo efa any an-toerana. Raha ny fantatra dia hisy ny fidinana ifotony ataon’ny Praiminisitra any an-toerana hijery ny zava misy.