Actualités

Solontena maharitry ny PNUD I Marie Diamond no hisolo an’i Violette Kakyomya

Actualités
Sabotsy 23 Febroary 2019

Omaly zoma 22 febroary no nanolotra ny taratasy manendry azy ho solontena maharitry ny sampandraharahan’ny firenena mikambana mikasika ny fampandrosoana na ny PNUD

eto Madagasikara tamin’ny minisitry ny raharaham-bahiny Naina Andriantsitohaina ny Masoivohon’ny PNUD vaovao Rtoa Marie Diamond, izay teratany Américano-Allemande. Izy izany no hisolo ny toeran’i Violette Kakyomya. Nanamafy ny hanamafisana ny fiaraha-miasan’ny PNUD amin’ny vahoaka Malagasy ny tenany, izay marihina fa efa tamin’ny volana janoary 2016 no tonga teto ary efa nitana ny andraikitra solontena maharitra lefitry ny PNUD nisahana ny lafiny progarama. Izy no mpanara-maso ny tetikasa momba ny fampiroboroboana ny fanjakana tsara tantana, ny fampihenana ny fahantrana, ny fiarovana ny tontolo iainana. Izy no notendren’ny mpandrindra ny PNUD Achim Steiner ho solontena maharitra noho ny fandaminana ara-drafitra ny rafitry ny Firenena Mikambana dia ny fisarahan’ny fisoloana tena ny PNUD sy ny Birao mandritra ny rafitry ny Firenena Mikambana.

Toky R