Actualités

Sendikan�ny mpiasan�ny fadin-tseranana Mitaky tombontsoa ihany koa

Actualités
Talata 30 Mey 2017

Nanomboka nitokona tetsy Antaninarenina koa ry zareo avy eo anivon�ny mpiasan�ny fadin-tseranana omaly.

Anton’ny fitokonana ny hanovana ny tambin-karaman’izy ireo sy ny fomba fanisana azy izay efa noresahana nandritry ny 5 volana saingy tsy nisy fanapahan-kevitra hatreto. Mitady finiavana hamaha olana izahay, hoy ny filohan’ny sendika (Sempidou), Herizo Andrianavalona mba tsy hiitaran’ny fitokonana. Hisy moa ny fifanatonana amin’ny tompon’andraikitry ny minisitera anio hijerena ny fomba fandoavana azy ity. Hiato kosa ny fitokonana rahampitso. Mitohy ny alakamisy ka hatramin’ny alatsinainy, raha tsy misy ny vahaolana. Fepetra hafa no hiraisina aorian’io raha tsy mbola mahafa-po ny fandehan’ny rraharaha. Marihina fa mitentina 5 miliara ariary isan’andro ny vola ampidirin’ity sampandraharaha ity amin’ny kitapom-bolam-panjakana ary anisan’ny mandray anjara amin’ny fandoavana ny karaman’ny mpiasam-panjakana sy fampandehanan-draharaha amin’ny ankapobeny izy.

Mirija