Actualités

Sambo rendrika tany Marovoay Fatim-behivavy 3 no hita

Actualités
Alakamisy 25 Oktobra 2018

Tafakatra telo hatramin’ny omaly hariva fotoana nanoratanay ny isan’ireo faty hita tany Marovoay nandritra ny faharendrehan’ilay sambo Amboara tany an-toerana ny talata lasa teo.

Raha tsiahivina, sambo hihazo ny kaominina ambanivohitra Marotsandry ity rendrika ity, namakivaky renirano iray lehibe any an-toerana hifangaroan’ny ranomasina sy ny ranomamy. Olona 80 no tao anatiny, araka ny vaovao azo niampy karazan’entana an-taoniny maro. Noho ny herin’ny rivotra efa ho telo andro izao no voalaza fa naharendrika azy. Efa mitady ireo olona ambiny sisa tavela moa ireo tompon’andraikitry ny APMF any an-toerana ankehitriny. Miisa 28 kosa ireo fantatra fa velona, efatra miady amin’ny fahafatesana. Tsiahivina fa tamin’ny talata ihany dia efa hita ny fatin’ireo vehivavy roa ary omaly antoandro ny vatana mangatsiakan’ny iray, tovovavy vao 18 taona monja. Tsy mbola nandrenesam-baovao kosa ireo mpandeha ambiny sisa.

Pati