Actualités

Partagé sur :
• facebook

Sambo iray efa tafiditra ao anaty lisitr’ireo efa tadiavina noho ny kolikoly boaderozy no tratra miantsona ao amin’ny sisin-dranomasin’i Antsiranana ankehitriny. Nandritra ny fisavana natao no nahafatarana fa malagasy no tompon’ity sambo ity na dia tera-tany Afrikanina miteny Anglisy avokoa aza no mpiasa ao aminy

. Voalazan’ireo  mpiasa tao  amin’ilay sambo  moa fa  lany  solika izy ireo no mahatonga azy  ireo  mihaodihody  manamorona an’Antsiranana. Ireo nanao ny  fisavana no nanamarina  fa efa anisan’ny sambo  tadiavina noho izy mpanao trafikana boaderozy ity hita ao Antsiranana  ity. Teo  no ho eo ihany araka ny tatitra voaray dia  nampandre ny   APMF ireo  tompon’andraikitra nisava ny  sambo.

 Fotoana  fohy  taorian’izay  anefa dia nisy sambo kely hafa  tratra nanatitra bolabolana boaderozy teo amin’ity sambo ity. Rehefa  nanontanina indray  ireo tao anaty sambo kely dia  nanambara  laharana an-taribin’ny tompon’andraikitra iray momba ny ala  ao Antsiranana. Rehefa nantsoina indray  ity farany dia  nanda  marindrano  ary nilaza fa tsy  misy zavatra fantany ny zava-miseho  any amoron-dranomasina  any. Ambetin-dresaky ny  fanjakana hatrany  ny hoe fiandrasana porofo mitohoka amin’ny tendany mba  ahafahana  manokatra fanadihadina ka anisan’izany  ity tranga misy any  Antsiranana  ity  ka ho hita eo indray  raha  tena hanokatra fanadihadiana lalina marina ny  fitondrana.

Andry Ratovo

Tia Tanindrazana

Samia mijoro ho an'i Gasikara.