Actualités

Sambo goavana Europa 2 Nandalo tao Tolagnaro

Actualités
Alarobia 14 Novambra 2018

Nigadona tao amin’ny seranan-tsambon’i Ehoala ao Tolagnaro omaly talata 13 novambra ny sambo goavana na “paquebot” Europa 2, mitondra mpizahatany maro be.

Mitondra mpizahatany 516 izy io, ka teratany alemana avokoa ny akamaroany. Niparitaka namonjy ireo toeram-pitsangantsanganana toy ny moron-dranomasin'i Libanona, Ankoba, tamin'ireo “réserves botaniques” ny ankamaroany. Samy nahazo ny tandrify azy ireo mpikarakara amin'ity sehatra iray ity na ireo mpanao fitaterana an-tanàn-dehibe na ireo “guides touristiques” na ireo mpivarotra taozavatra. Tamin'ity fotoana ity ihany koa no namerenana indray ny fahazoana mandeha eny amin'ny Pic saint Louis. Naato kely am-bolana ny fanehanana tao noho ny fandriampahalemana narisarisa. Mahaliana ireo mpitsangatsangana io toerana io. Ity Eoropa2 ity no paquébot faha-7 mety handalo an'i Ehoala amin’ny 2018-2019. Ny hariva ihany dia nandao an’i Fort Dauphin ireto teratany alemana ireto

O.M