Actualités

Sakafo amidy eny an-tsena Ho hentitra ny fanaraha-maso

Actualités
Talata 13 Desambra 2016

Ho hentitra ny fanaraha-maso amin�ireo sakafo amidy eny an-tsena amin�izao ankatoky ny fety izao, raha ny fanazavana azo avy eo anivon�ny ASCQDA

na ilay sampandraharaha eo anivon’ny minisiteran’ny fahasalamana manara-maso ny maha ara-pasalamana ireo sakafo jifaina sy iveloman’ny sarambabem-bahoaka eto amintsika nandritry ny fanokafana ny androm-pirenena ho fanandratana ny antoka ara-pahasalamana sy ny kalitaon’ny sakafo tetsy amin’ny kianjaben’i Mahamasina omaly. Io omaly io ihany koa moa no nanombohana ny fikaonan-doha hikarohana izay vahaolana ho amin’ny fanatsarana ny tontolon’ny fahasalamana ara-tsakafo eto amintsika izay ary dia anio ny eo anivon’ity sampandraharaha ity, miaraka amin’ny minisiteran’ny fahasalamana no hamaritra na hanamafy ny marimarina kokoa izay paikady entina hampanjariana ny fahasalamana ara-tsakafo izay. Nanamafy ary ny ASCQDA fa dia tsy omena ilay sertifika fahazoan-dalana hivarotra sakafo ireo entana hotilian’izy ireo raha voamarina fa tsy ara-pahasalamana.

Mirija