Actualités

Sahotaka teny Analakely Baoritra roa, noheverina fa nisy baomba

Actualités
Alarobia 14 Novambra 2018

Nikorontana ny teny Analakely manoloana ny tsangambaton-dRalaimongo sy ny manodidina omaly maraina tokony ho tamin’ny 8 ora.

Nahitana baoritra roa lehibe mihidy tsara mantsy teny an-toerana ka samy nanahy ny amin’ny fisiana zavatra hafahafa toy ny baomba tao anatiny avokoa ireo mpivarotra teny amin’ny manodidina. Nampandre avy hatrany ny teo anivon’ny kaominina izy ireo ka polisy iray no tonga nijery ny zava-misy teny an-toerana. Nosokafany ireo baoritra ka fa fako niampy maloto tao anaty tavoahangy no tao. Ho an’ny teny Ambohidratrimo indray kosa dia grenady miisa valo no hita nisy nandevina tao amin’ny tokotany misy ny biraon’ny solombavambahoaka voafidy eny an-toerana Atoa Mamy Rabenirina. Ny alatsinainy hariva teo no nahitana azy ireo ka ankizy nilalao, nangady tany no nahatsikaritra izany. Niantso avy hatrany ny rainy ireo ankizy ireo, raha vantany vao nahita vy nipoitra kinanjo zava-doza no tao ambaniny. Tsy azo nandehanana moa ny 100 metatra nanodidina ilay toerana nahitana ireo grenady ireo vokatr’izany hatramin’ny omaly talata maraina nakan’ny mpitandro ny filaminana azy. Fantatra fa grenady efa simba izy ireo ary nentina nopotehina teny amin’ny kariera eny Ambohidratrimo ihany.

Pati