Actualités

Sahirana ny HAFARI Ny filoha migadra, Soaniedanana voatafika

Actualités
Alarobia 19 Oktobra 2016

Mitohy hatrany ny fitazonana ny filoha nasionalin�ny HAFARI Malagasy, Rafanomezantsoa Jean Nirina, any am-ponja.

Ny 15 novambra ho avy izao indray mantsy vao hivoaka ny didim-pitsarana tamin’ireo karazana raharaha maromaro nanenjehana azy teo aloha raha ny 12 oktobra lasa teo no vita ny fanadihadiana lalina mikasika ilay fitanana olona an-keriny raharaha hafa hanenjehana azy na ilay “sequestration”. Tsiahivina fa marary ity filoha nasionalin’ny HAFARI Malagasy ity amin’izao fotoana izao. Aretim-bavony sy fo mifangaro no fantatra fa mahazo azy. Mikasika ny raharaha d’Ambohipivoarana-Soaniedanana kosa dia fantatra fa nisy nanafika ny alatsinainy alina teo ity tanàna kely iray ity, ka fianakaviana 2 no voatafika sy voaroban’ireo andian-jiolahy niisa 11 tamin’izany ka nofoanany tanteraka ny entam-barotra tao anatin’ireo trano ireo. Avotra soa aman-tsara kosa ny fianakaviana faha-3 saika hotafihin’izy ireo fa afaka nampandre ny mpitandro ny filaminana haingana. Velon-taraina ireo mpifindra monina, araka izany, sady mandry tsy lavo loha.