Actualités

Rotsak’orana vao manomboka Betsaka sahady ireo sahirana

Actualités
Alarobia 10 Oktobra 2018

Betsaka sahady ireo olona sahirana eto an-drenivohitra taorian’ny nilatsahan’ny orana ny alatsinainy teo.

Lohalaharana ireo faritra iva. Efa manomboka mivoaka sy miparitaka eny ivelany mantsy ny rano maloto vokatry ny fahatsentsenan’ny lakandrano. Raha araka ny fanazavan’Atoa Andriamanohisoa Gérard, tale jeneraly eo anivon’ny minisiteran’ny fanajariana ny tany anefa dia vola mitentina 25 tapitrisa Euros no efa nomen’ny Afd antsika hikarakarana ireny fotodrafitrasa ireny. Ho an’ny lakandranon’Andriantany dia fotaka 60.000 m3 no efa nalana tao raha 80.000 m3 no totalin’izy rehetra. Efa niroso tamin’ny fikarakarana ireo lakandrano ao Ampefiloha ihany koa izy ireo ankoatra ny fanamboarana ireo station de pompage izay misintona ny rano maloto avy amin’ireo faritra iva… Ho an’ny etsy Analakely indray dia ilaina ny fanalana ireo mpivarotra sasany amin’ny toerany hahafahana manadio ireo lakandrano mitondra ny rano maloto. Toerana telo no tena maika toy ny etsy amin’ny pavillon, eo amin’ny vavahadin’ny lapan’ny tanàna ary ny eo amin’ny Itokiana. Telo herinandro no hanaovana ny asa koa hiantsoana ny kaominina hiarovana ny mponina amin’ny tondra-drano.

Pati